AETU ఆవిర్భావ చరిత్ర

ఆంధ్రప్రదేశ్ టీవీ టెక్నీషియన్స్ స్టేట్ యూనియన్ ఒక కల. కానీ చిన్న చిన్న యూనియన్లు కొన్నిచోట్ల జిల్లా యూనియన్ను ఏర్పడినవి. సి.ఆర్.టి యుగము నుండి ఎ.ల్.సిడి ఎల్.ఈ.డి టీవీ యుగము లోనికి మారినప్పుడు కొత్త టెక్నాలజీ అర్థం కాక ఇబ్బంది పడుతున్నప్పుడు దార్ల ఇండియా (దార్ల వెంకటేశ్వరరావు గారు) సెల్ ఫోన్ లో గ్రూపుల ద్వారా కొంతమంది టెక్నీషియన్లు మరియు ట్రైనర్లు కలుపుట వలన టెక్నీషియన్స్ మధ్య గ్రూపులో ఒక ఆత్మీయ కలయిక ఏర్పడుట జరిగినది.

ప్రత్యక్షముగా కలియ వలెనన్న సంకల్పముతో దుర్గా ప్రసాద్ గారు, ఆళ్లగడ్డ రామకృష్ణ గారు, బుల్లెట్ రాజు గారు మరియు కొన్ని జిల్లాల సహకారంతో 8-9-2019 విజయవాడ నందు ప్రత్యక్షముగా మొదటి ఆత్మీయ కలయిక జరిగి రాష్ట్ర యూనియన్ కు అంకురార్పణ జరిగింది అని చెప్పవచ్చు.

రెండవ ఆత్మీయ కలయిక కర్నూలు నందు ఏర్పాటు చేయుటకు ఆర్ కె రెడ్డి గారు మరియు కర్నూలు జిల్లా వారు ముందుకు వచ్చి 8-3-2020 కర్నూలు లో రెండవ ఆత్మీయ కలయిక సమావేశం ఏర్పాటు చేసి అప్పటివరకు రాష్ట్ర యూనియన్ ఏర్పడుతుందో లేదో అని ఉన్న అనుమానాలను పారద్రోలి JAC ఏర్పాటు చేయుట జరిగినది.

కరోనా ఉన్నప్పటికీ JAC పని చేస్తూనే ఉంది మరియు అన్ని జిల్లాల యూనియన్లను ఏర్పాటు చేసి 22-8-2021 విజయవాడ తుమ్మలపల్లి కళాక్షేత్రం నందు తమకు అప్పగించిన పనిని JAC దిగ్విజయంగా స్టేట్ యూనియన్ ఏర్పాటు చేయడం జరిగినది.